കലിഫോർണിയ∙ കലിഫോർണിയ ഫെയർ ഫീൽഡിൽ ഷീപ് ഡോഗിനത്തിൽപ്പെട്ട പട്ടി 17 കുട്ടികൾക്ക് ജന്മം നൽകി ലോക റിക്കാർഡ് സ്ഥാപിച്ചു. ഫെയർ ഫീൽഡ് പ്രാദേശീക ഓർഗാനിക്ക് ഫാമിലാണ് ഈ അപൂർവ്വ ജന്മം നടന്നത്. ഇന്ന് വൈകിട്ട് പപ്പീസിന്റെ ചിത്രം ഫാമിന്റെ ഉടമസ്ഥൻ മാധ്യമങ്ങൾക്ക് നൽകി. ഫെയർ ഫീൽഡിലുളള അനിമൽ ക്ലീനിക്ക് ഈ വാർത്തക്ക് സ്ഥിരീകരണം നൽകി. ഓരോ കുട്ടികളുടേയും വലിപ്പത്തിലും പപ്പീസ് പുതിയ റിക്കാർഡാണ് സ്ഥാപിച്ചതെന്നും ക്ലീനിക്ക് ഡോക്ടർമാർർ പറഞ്ഞു. പതിനേഴ് പപ്പികളിൽ 11 ആണും, ആറ് പെണ്ണുമാണെന്നും ഇവർ അറിയിച്ചു. ഫാമിൽ വന്ന് ഇവയെ നേരിൽ കാണാവുന്നതാണെന്നും ഫാം ഉടമസ്ഥർ അറിയിച്ചു.