വീട്ടുതടങ്കലിൽ കഴിയുന്ന നാഷണൽ കോൺഫറൻസ് അധ്യക്ഷൻ ഫാറൂഖ് അബ്ദുള്ള, വൈസ് പ്രസിഡന്റ് ഒമർ അബ്ദുള്ള എന്നിവരെ സന്ദർശിക്കാൻ പാർട്ടിയുടെ പ്രതിനിധി സംഘത്തിന് അനുമതി.നാഷണൽ കോൺഫറൻസ് ജമ്മു പ്രവിശ്യാ അധ്യക്ഷൻ ദേവേന്ദർ സിങ് റാണയുടെ നേതൃത്വത്തിലുള്ള ജനപ്രതിനിധികൾ ഉൾപ്പെട്ട സംഘം ഞായറാഴ്ച ജമ്മുവിൽനിന്നെത്തി നേതാക്കളെ കാണും. നാഷണൽ കോൺഫറൻസ് വക്താവ് മദൻ മാട്ടു മാധ്യമങ്ങളെ അറിയിച്ചതാണ് ഇക്കാര്യം.