ജമ്മുകശ്മീരിൽ നുഴഞ്ഞുകയറിയ രണ്ട് പാക് ഭീകരരെ കരസേന പിടികൂടി. ലഷ്‍കർ ഇ തോയിബയുമായി ബന്ധമുള്ള ഭീകരരാണ് പിടിയിലായത്. കഴിഞ്ഞ മാസം 21നാണ് ഈ പാക് ഭീകരരെ പിടികൂടിയതെന്ന് ചിനാർ കോർപ്സ് കമാൻഡർ ലഫ്റ്റനൻറ് ജനറല്‍ കെ ജെ എസ് ധില്ലൺ അറിയിച്ചു. ജമ്മുകശ്മീരിലേക്ക് ഭീകരരെ അയയ്ക്കാൻ പാകിസ്ഥാൻ എല്ലാ ദിവസവും ശ്രമിക്കുകയാണെന്നും നുഴഞ്ഞുകയറ്റ ശ്രമം പലതവണ തകർത്തെന്നും കരസേന വ്യക്തമാക്കി.