പൗരത്വ ഭേദഗതി നിയമത്തിനെതിരെ ഡൽഹിയിൽ വീണ്ടും പ്രതിഷേധം. കിഴക്കൻ ഡൽഹിയിലെ സീലംപൂരിലും ജഫറാബാദിലും പ്രതിഷേധം അക്രമാസക്തമായി.സീലംപൂരിൽ ബസിന് തീയിട്ട പ്രതിഷേധക്കാർ പോലീസിന് നേരെ കല്ലേറ് നടത്തി. സ്കൂൾ ബസ് ഉൾപ്പടെ നിരവധി വാഹനങ്ങൾ തകർത്തു. നഗരത്തിലെ പോലീസ് ബൂത്തിനും തീയിട്ടു. സ്ഥിതി നിയന്ത്രണവിധേയമാക്കാൻ പോലീസ് കണ്ണീർവാതകം പ്രയോഗിച്ചു. പോലീസ് ലാത്തി ചാർജ് നടത്തിയതായും റിപ്പോർട്ട് ഉണ്ട്. സംഭവത്തിൽ രണ്ടു പോലീസുകാർ ഉൾപ്പടെ നിരവധി പേർക്ക് പരിക്കേറ്റു.