തിരുവനന്തപുരം. സോളാര്‍ തട്ടിപ്പ് കേസുമായി ബന്ധപ്പെട്ടു ടെന്നി ജോപ്പനെ പൊലീസ് ചോദ്യം ചെയ്തു. മുഖ്യമന്ത്രിയുടെ മുന്‍ ഗണ്‍മാന്‍ സലിംരാജിനെയും പിഎ ജിക്കുമോന്‍ ജേക്കബിനേയും നേരത്തെ പൊലീസ് ചോദ്യം ചെയ്തിരുന്നു. മുഖ്യമന്ത്രി ഉമ്മന്‍ചാണ്ടിയുടെ പഴ്സണല്‍ സ്റ്റാഫ് അംഗമായിരുന്ന ജോപ്പന്‍ സോളാര്‍ കേസിലെ പ്രതി സരിത എസ് നായരുമായി നിരന്തരം ഫോണില്‍ ബന്ധപ്പെട്ട കാര്യം പുറത്തുവന്നതോടെ മുഖ്യമന്ത്രിയുടെ സ്റ്റാഫില്‍ നിന്നു ജോപ്പനെ പുറത്താക്കുകയായിരുന്നു. പൊലീസ് ചോദ്യം ചെയ്യല്‍ കൊല്ലത്തു വച്ചായിരുന്നു .