ലുലു മാളില്‍ വാട്ടര്‍ അതോറിറ്റി കണക്ഷന്‍ ഇല്ലെന്ന് ലുലു ഗ്രൂപ്പ് അറിയിച്ചു.മഴവെള്ള സംഭരണികളെയും കുടിവെള്ള ടാങ്കറുകളെയുമാണ് പ്രധാനമായും ആശ്രയിക്കുന്നത്. പുറമെ നിന്ന് എത്തിക്കുന്ന വെള്ളം ശുദ്ധീകരിച്ച് ഉപയോഗിക്കുകയാണെന്നും ലുലു ഗ്രൂപ്പ് അറിയിച്ചു. എന്നാല്‍ വിവാദത്തെക്കുറിച്ച് കൂടുതല്‍ പ്രതികരിക്കാനില്ലെന്നും ലുലു ഗ്രൂപ്പ് വ്യക്തമാക്കി. ലുലു മാള്‍ കൈയ്യേറ്റം നടത്തിയിട്ടുണ്ടെന്നും പശ്ചിമ കൊച്ചിയിലേയ്ക്കുള്ള വെള്ളം ചോര്‍ത്തുന്നത് ലുലുമാളാണെന്നും സി.പി.ഐ.എം എറണാകുളം ജില്ലാ സെക്രട്ടറി സി.എം ദിനേശ് മണി ആരോപിച്ചിരുന്നു. ഇതിനെ തുടര്‍ന്നാണ് ലുലു അധികൃതര്‍ വിശദീകരണവുമായി രംഗത്തെത്തിയത്.