ഓസ്‌ട്രേലിയയ്‌ക്കെതിരെ ഒക്ടോബര്‍ പത്തിന് തുടങ്ങുന്ന പരമ്പരയ്ക്കുവേണ്ടിയുള്ള 15 അംഗ ടീമില്‍ സെലക്ടര്‍മാര്‍ യുവരാജ് സിങ്ങിനെ ഉള്‍പ്പെടുത്തി. വീരേന്ദര്‍ സേവാഗ്, ഗൗതം ഗംഭീര്‍ , സഹീര്‍ഖാന്‍ , ഹര്‍ഭജന്‍സിങ് എന്നിവരെ ടീമില്‍ ഉള്‍പ്പെടുത്തിയിട്ടില്ല.ഒരു ട്വന്റി 20 മത്സരത്തിനും ആദ്യത്തെ മൂന്ന് ഏകദിന മത്സരങ്ങള്‍ക്കും വേണ്ടിയുള്ള ടീമാണ് പ്രഖ്യാപിച്ചത്. ഒക്ടോബര്‍ പത്തിന് രാജ്‌കോട്ടിലാണ് ട്വന്റി 20 മത്സരം.