മുഖ്യമന്ത്രിയുടെ മൂന്നാമത്തെ ജനസമ്പര്‍ക്ക പരിപാടി നാളെ മലപ്പുറത്ത്. രാവിലെ ഒന്‍പത് മുതല്‍ വൈകിട്ട് 6 വരെ നിശ്ചയിച്ചിട്ടുള്ള പരിപാടിക്ക് വിപുലമായ സൌകര്യങ്ങളാണ്  ഏര്‍പ്പെടുത്തിയിരിക്കുന്നത്.എംഎസ്പി ഗ്രൌണ്ടില്‍ തയ്യാറാക്കിയിട്ടുള്ള വേദിയിലാണ് പരിപാടി നടക്കുന്നത്.കനത്ത സുരക്ഷയ്ക്കിടയിലാകും ജനസമ്പര്‍ക്ക പരിപാടി. 1053 പൊലീസ്  ഉദ്യോഗസ്ഥരാണ് സുരക്ഷയൊരുക്കുക. ഇതിനു പുറമെ എം.എസ്പിയുടെ 300ല്‍ അധികം ട്രെയിനികളുടെ സേവനവുമുണ്ടാകും.