എം പാനല്‍ ജീവനക്കാരെ പിരിച്ചുവിട്ടതില്‍ പ്രതിഷേധിച്ച് തിരുവനന്തപുരത്ത് കെ.എസ്.ആര്‍.ടി.സി ജീവനക്കാരുടെ മിന്നല്‍പണിമുടക്ക്. കിഴക്കേകോട്ട സിറ്റി ഡിപ്പോയിലെ ജീവനക്കാരാണ് പണിമുടക്ക് നടത്തിയത്. രാവിലെ നാലുമുതലാണ് മിന്നല്‍ പണിമുടക്ക് തുടങ്ങിയത്.പിരിച്ചുവിട്ട ജീവനക്കാരെ തിരിച്ചെടുക്കാമെന്ന് അധികൃതര്‍ ഉറപ്പുനല്‍കിയതോടെ പിന്നീട് പണിമുടക്ക് പിന്‍വലിച്ചു.