മുഖ്യമന്ത്രിയെ പിന്തുണച്ച് കാനം രാജേന്ദ്രൻ. മുഖ്യമന്ത്രിയുടെ ശൈലി തെരഞ്ഞെടുപ്പിനെ ബാധിച്ചെന്ന് കരുതുന്നില്ലെന്ന് കാനം രാജേന്ദ്രൻ പറഞ്ഞു . തോൽവിക്ക് ശബരിമല ഉൾപ്പെടെ പല വിഷയങ്ങളും ഉണ്ട്. പരാജയത്തിന്റെ പേരിൽ മുഖ്യമന്ത്രിയുടെ ശൈലി തിരുത്തണമെന്ന് പറയുന്നത് ശരിയല്ലെന്ന് സിപിഐ സംസ്ഥാന സെക്രട്ടറി വിശദമാക്കി. പിണറായിയുടെ ശൈലി ഇതാണെന്നറിഞ്ഞുകൊണ്ടാണല്ലോ മുഖ്യമന്ത്രിയാക്കിയതെന്നും കാനം ചോദിച്ചു. വിശാല പ്രതിപക്ഷ ഐക്യം ഉണ്ടാക്കാൻ കോൺഗ്രസിന് കഴിഞ്ഞില്ല. അത് കോൺഗ്രസിന്റ രാഷ്ട്രീയ പക്വത കുറവാണെന്ന് കാനം കൂട്ടിച്ചേര്‍ത്തു.