ദുബായിൽ ടൂറിസ്റ്റ് ബസ് അപകടത്തിൽപ്പെട്ട് മരിച്ചവരിൽ ആറ് മലയാളികൾ ഉൾപ്പടെ 10 ഇന്ത്യക്കാർ. മൊത്തം 17 പേരാണ് അപകടത്തിൽ മരിച്ചത്.മരിച്ച മലയാളികളിൽ ആറ് പേരുടെയും മൃതദേഹം തിരിച്ചറിഞ്ഞു. ദുബായിലേ സാമൂഹ്യ പ്രവർത്തകനായ തൃശൂർ തളിക്കുളം സ്വദേശി ജമാലുദ്ധീൻ , തിരുവനന്തപുരം സ്വദേശി ഒമാനിൽ അക്കൗണ്ടന്റ് ആയ ദീപക് കുമാർ , തിലകൻ, വാസുദേവൻ, തലശ്ശേരി സ്വദേശികളായ ഉമ്മർ (65) ചോനോകടവത്ത്, മകൻ നബീൽ ഉമ്മർ (25) എന്നിവരാണ് മരിച്ച മലയാളികൾ. മസ്കറ്റിൽനിന്ന് ദുബായിലേക്ക് വന്ന ബസാണ് അപകടത്തിൽപ്പെട്ടത്. വ്യാഴാഴ്ച്ച വൈകിട്ട് 5.40 ന് മുഹമ്മദ് ബിൻ സായിദ് റോഡിലാണ് അപകടം നടന്നത്. ഒമാനിൽ നിന്ന് ഈദ് അവധി ആഘോഷിച്ച് മടങ്ങി വരുന്നവരാണ് ബസിലുണ്ടായിരുന്നതെന്നാണ് റിപ്പോർട്ട്