നെയ്യാറ്റിൻകരയിൽ സ്വകാര്യ റസിഡൻഷ്യൽ സ്കൂളിൽ അജ്ഞാതരുടെ ആക്രമണം. ഒരു സ്കൂൾ ബസ് അക്രമികൾ തീവെച്ചു നശിപ്പിച്ചു. നിരവധി വാഹനങ്ങൾ അടിച്ചു തകർത്തു. ചൊവ്വാഴ്ച പുലർച്ചെയാണ് സ്വകാര്യ സ്കൂളിലെ ആക്രമണം ശ്രദ്ധയിൽപെടുന്നത്. സ്ഥലത്ത് കാഞ്ഞിരംകുളം പോലീസും സംഘവും ക്യാമ്പ് ചെയ്യുന്നുണ്ട്. ഫോറൻസിക് വിദഗ്ധരും വിരലടയാള വിദഗ്ധരും സ്ഥലത്തെത്തി പരിശോധന നടത്തും. സംഭവത്തെത്തുടർന്ന് സ്കൂളിന് അവധി പ്രഖ്യാപിച്ചിട്ടുണ്ട്.