ആന്ധ്രപ്രദേശിലെ കിഴക്കന്‍ ഗോദാവരിയില്‍ ടൂറിസ്റ്റ് ബോട്ട് നദിയില്‍ മറിഞ്ഞ് 51 പേരെ കാണാതായി. ആന്ധ്ര ടൂറിസം ഡവലപ്‌മെന്റ് കോര്‍പറേഷന്റെ ബോട്ടാണ് അപകടത്തില്‍പ്പെട്ടത്. 61 പേരാണ് ബോട്ടിലുണ്ടായിരുന്നത്. ഇതില്‍ 10 പേരെ രക്ഷപ്പെടുത്തി.

കിഴക്കന്‍ ഗോദാവരിയിലെ ദേവി പട്ടണത്താണ് അപകടം നടന്നത്. ദുരന്തനിവാരണ സേന സ്ഥലത്ത് രക്ഷാപ്രവര്‍ത്തനം നടത്തുകയാണ്. വിനോദ സഞ്ചാര കേന്ദ്രമായ പാലികൊണ്ടലു ലക്ഷ്യമാക്കി പോയ ബോട്ടാണ് മറിഞ്ഞത്.