കോഴിക്കോട്-കൊല്ലഗൽ 766 ദേശീയപാതയിലെ സഞ്ചാരസ്വാതന്ത്ര്യം തടയരുതെന്നാവശ്യപ്പെട്ട് അനിശ്ചിതകാല നിരാഹാരത്തിലൂടെ യുവജനസംഘടനകൾ തിരികൊളുത്തിയ സമരം ശക്തമാകുകയാണ്. ഈ സമരത്തിന് പിന്തുണ അറിയിക്കാനും വിഷയം ദേശീയ ശ്രദ്ധയിൽപ്പെടുത്താനും രാഹുൽ ഗാന്ധി ഇന്ന് സമരപന്തലിലെത്തും. നിരാഹാരസമരം പത്താംദിവസത്തിലേക്ക് കടക്കുന്ന വെള്ളിയാഴ്ച രാവിലെ ഒമ്പതു മണിക്കാവും രാഹുൽഗാന്ധി എം.പി. സമരപ്പന്തലിലെത്തുക.