കാസർകോട്- മംഗലാപുരം ദേശീയപാതയിൽ പാചകവാതക ടാങ്കർ അപകടത്തിൽപ്പെട്ട് വാതകം ചോർന്നു. അടുക്കത്തുവയലിനു സമീപം പുലർച്ചെ രണ്ടുമണിയോടെയാണ് ടാങ്കർ അപകടത്തിൽപ്പെട്ടത്.മംഗലാപുരത്തുനിന്ന് കോയമ്പത്തൂരിലേയ്ക്ക് പോവുകയായിരുന്ന ടാങ്കറാണ് അപകടത്തിൽപ്പെട്ട് റോഡിൽ മറിഞ്ഞത്. ടാങ്കറിൻറെ ഗ്യാസ് നിറച്ചിരിക്കുന്ന ഭാഗവും മുൻഭാഗവും തമ്മൽ വേർപെട്ട് മുൻവശത്തെ വാൽവിലൂടെയാണ് വാതകം ചോർന്നത്. പിന്നീട് സ്ഥലത്തെത്തിയ പോലീസും ഫയർഫോഴ്സും ചേർന്ന് ചോർച്ച താൽക്കാലികമായി അടച്ചു. അപകട സാധ്യത മുൻനിർത്തി പരിസരവാസികളെ വീടുകളിൽനിന്ന് ഒഴിപ്പിക്കുകയും പ്രദേശത്ത് വൈദ്യുതി ബന്ധം വിച്ഛേദിക്കുകയും ചെയ്തു.