ദേശീയ പൗരത്വ ഭേദഗതി നിയമത്തിനെതിരെ രാജ്യമെങ്ങും പ്രതിഷേധം കത്തിപ്പടരുന്നതിനിടെ വിഷയത്തിൽ ആദ്യമായി പ്രതികരിച്ച് പ്രധാനമന്ത്രി നരേന്ദ്ര മോദി. സമാധാനവും ഐക്യവും സാഹോദര്യവും നിലനിർത്തേണ്ട സമയമാണിതെന്ന് പ്രധാനമന്ത്രി ട്വീറ്റ് ചെയ്തു. നിക്ഷിപ്ത താൽപര്യക്കാർ നമുക്കിടയിൽ ഭിന്നിപ്പുണ്ടാക്കാനും അസ്വസ്ഥതകൾ സൃഷ്ടിക്കാനും നടത്തുന്ന ശ്രമങ്ങൾ അനുവദിച്ചുകൊടുക്കരുതെന്നും അദ്ദേഹം ആവശ്യപ്പെട്ടു.