തമിഴ്നാട്ടിലെ ഡിണ്ടിഗലില്‍ വാഹനാപകടത്തില്‍ അഞ്ച് പേര്‍ മരിച്ചു.കോട്ടയം കുറുവിലങ്ങാട് സ്വദേശികളാണ് മരിച്ചത്‌. ജോസഫ് (45), ജിസ്മി (18), ജോസ് (50), ജോമി (25), ഡ്രൈവര്‍ സുനില്‍ (30) എന്നിവരാണ് മരിച്ചത്. തമിഴ്നാട്ടില്‍ എന്‍ജിനീയറിങ്ങിന് വിദ്യാര്‍ഥിയായിരുന്ന ജിസ്മിയെ കൂട്ടി നാട്ടിലേക്ക് തിരിച്ചുപോവുന്നതിനിടെയായിരുന്നു ദുരന്തം.പുലര്‍ച്ചെ രണ്ടോടെ ഡിണ്ടിഗലില്‍ ഇവര്‍ സഞ്ചരിച്ച ടാറ്റ സുമോ വാന്‍ ബസില്‍ ഇടിച്ചാണ് കുടുംബത്തിലെ നാലുപേരും ഡ്രൈവറും മരിച്ചത്. അപകടത്തില്‍ കാര്‍ പൂര്‍ണമായും തകര്‍ന്നു.