ലോക്സഭാ തെരഞ്ഞെടുപ്പിനായുള്ള ബിജെപി സ്ഥാനാര്‍ത്ഥികളെ പാർട്ടി അഖിലേന്ത്യ കമ്മിറ്റി നാളെ പ്രഖ്യാപിക്കുമെന്ന് സംസ്ഥാന പ്രസിഡന്‍റ് പി എസ് ശ്രീധരൻ പിള്ള. ഹോളി ആയതിനാലാണ് ഇന്ന് സ്ഥാനാര്‍ത്ഥി പട്ടിക പ്രഖ്യാപിക്കാതിരുന്നതെന്ന് ശ്രീധരൻ പിള്ള കൊച്ചിയില്‍ പറഞ്ഞു. മത്സരിക്കുന്ന കാര്യം പാർട്ടി തീരുമാനിക്കുമെന്നും ശ്രീധരൻ പിള്ള പ്രതികരിച്ചു. ആര്‍എസ്എസ് ഇടപെടൽ ഉണ്ടായോ എന്ന മാധ്യമ പ്രവര്‍ത്തകരുടെ ചോദ്യത്തിന് അവരോട് തന്നെ ചോദിക്കണം എന്നായിരുന്നു ശ്രീധരന്‍ പിള്ളയുടെ പ്രതികരണം