തിരുവനന്തപുരം വിമാനത്താവളത്തിൽ 25 കിലോ സ്വർണ്ണം പിടികൂടി. ഡിആ‌ർഐ സംഘം നടത്തിയ പരിശോധനയിലാണ് സ്വർണം പിടികൂടിയത്. തിരുമല സ്വദേശി സുനിലിന്‍റെ പക്കൽ നിന്നാണ് എട്ട് കോടി വിലവരുന്ന സ്വർണ ബിസ്കറ്റുകൾ പിടിച്ചെടുത്തത്. ഒമാനിൽ നിന്നാണ് സുനിൽ തിരുവനന്തപുരത്തെത്തിയത്. ഇയാളെ ചോദ്യം ചെയ്ത് വരികയാണെന്ന് ഡിആർഐ അറിയിച്ചു. കേസുമായി ബന്ധപ്പെട്ട് ഒമാനില്‍ നിന്ന് വന്ന രണ്ട് യാത്രക്കാര്‍ പൊലീസ് കസ്റ്റഡിയിലാണ്.