വ്യാഴാഴ്ച കാണാതായി ശനിയാഴ്ച പുലർച്ചെ തമിഴ്നാട്ടിലെ കരൂരിൽ നിന്ന് കണ്ടെത്തിയ എറണാകുളം സെൻട്രൽ സർക്കിൾ ഇൻസ്പെക്ടർ വി.എസ്. നവാസിനെ ഇന്ന് വൈകുന്നേരത്തോടെ കേരളത്തിലെത്തിക്കും. കരൂർ പോലീസ് സ്റ്റേഷനിൽ നിന്നും ഇദ്ദേഹത്തെ കേരള പോലീസ് സംഘം ഏറ്റുവാങ്ങി പാലക്കാട്ടെത്തിച്ചു. പാലക്കാട് നിന്നും കൊച്ചി പോലീസ് സംഘത്തോടൊടൊപ്പം നവാസ് കൊച്ചിക്ക് തിരിച്ചിട്ടുണ്ട്.