സംസ്ഥാന ശാസ്ത്രമേളയില്‍ കണ്ണൂരിനും കോഴിക്കോടിനും ഇരട്ട കിരീടം. ഗണിത ശാസത്രമേളയിലും സാമൂഹിക ശാസ്ത്രമേളയിലും കണ്ണൂര്‍ ജില്ലയും പ്രവൃത്തി പരിചയ മേള, ഐ.ടി മേള എന്നിവയില്‍ കോഴിക്കോട് ജില്ലയും ശാസ്ത്രമേളയില്‍ തൃശൂരും ചാമ്പ്യന്മാരായി. ഗണിത ശാസ്ത്രമേളയില്‍ 314പോയന്‍റ് നേടിയാണ് ആതിഥേയരായ കണ്ണൂര്‍ ചാമ്പ്യന്മാരായത്. മലപ്പുറം 293പോയന്‍റും പാലക്കാട് 291പോയന്‍റും വീതം നേടി രണ്ടും മൂന്നും സ്ഥാനങ്ങള്‍ കരസ്ഥമാക്കി. സാമൂഹിക ശാസ്ത്ര മേളയിലും 151 പോയന്‍റ് നേടി കണ്ണൂരാണ് ചാമ്പ്യന്മാരായത്. കാസര്‍കോട് 141 പോയന്‍റ് രണ്ടാം സ്ഥാനത്തും കോഴിക്കോട് 139പോയന്‍റ് നേടി മൂന്നാം സ്ഥാനത്തും നിലയുറപ്പിച്ചു.