ബേക്കലില്‍ ഫുട്ബാള്‍ ഗാലറി തകര്‍ന്നുവീണ് നൂറിലേറെ പേര്‍ക്ക് പരിക്ക്. ആറുപേരുടെ പരിക്ക് ഗുരുതരമാണ്. ഞായറാഴ്ച രാത്രി എട്ടോടെയായിരുന്നു സംഭവം. ബേക്കല്‍ ബ്രദേഴ്സ് സ്പോര്‍ട്സ് ക്ളബിന്‍െറ ആഭിമുഖ്യത്തിലുള്ള സൂപ്പര്‍ സെവന്‍സ് ഫ്ളഡ്ലിറ്റ് ഫുട്ബാള്‍ ടൂര്‍ണമെന്‍റിന്‍െറ ഉദ്ഘാടന സമയത്തായിരുന്നു അപകടം. ഉദുമ എം.എല്‍.എ കുഞ്ഞിരാമനടക്കമുള്ള പ്രമുഖര്‍ ഉദ്ഘാടനവേദിയിലിരിക്കുമ്പോള്‍ പടിഞ്ഞാറുവശത്തെ ഗാലറി തകര്‍ന്നുവീഴുകയായിരുന്നു. ഗാലറിയിലിരുന്നവര്‍ പിറകുവശത്തെ താഴ്ചയിലേക്ക് വീണു. വന്‍തിരക്കായിരുന്നതിനാല്‍ രക്ഷാപ്രവര്‍ത്തനം മന്ദഗതിയിലായി.
Comments