ബി.ജെ.പി പ്രധാനമന്ത്രി സ്ഥാനാര്‍ഥി നരേന്ദ്ര മോഡിയെ എതിര്‍ക്കുന്നത് അദ്ദേഹത്തെ ഭയമുള്ളവരെന്ന് കേരള കോണ്‍ഗ്രസ്-എം വൈസ് ചെയര്‍മാനും ചീഫ് വിപ്പുമായ പി.സി. ജോര്‍ജ്. മോഡിയുടെ ചിത്രം പതിച്ച ബനിയന്‍െറ ആദ്യ വില്‍പന ഉദ്ഘാടനം ചെയ്യണമെന്ന് ആവശ്യപ്പെട്ടപ്പോള്‍ അങ്ങനെ ചെയ്യുകയായിരുന്നു. കേരളത്തിലെത്തിയ മോഡിക്കൊപ്പം കരുനാഗപ്പള്ളി സ്വദേശിയും വ്യവസായിയുമായ അഭിലാഷ് മുരളീധരനും ആഭ്യന്തര മന്ത്രി തിരുവഞ്ചൂര്‍ രാധാകൃഷ്ണനെ കണ്ടിരുന്നു. അഭിലാഷും തിരുവഞ്ചൂരും തമ്മിലുള്ള ബന്ധം കോണ്‍ഗ്രസ് അന്വേഷിക്കണം. അഭിലാഷിന് സോളാര്‍ കേസുമായി ബന്ധമുണ്ട്. അഭിലാഷിന്‍െറ സാമ്പത്തിക ഇടപാടുകള്‍ അന്വേഷിക്കണമെന്നും ജോര്‍ജ് ആവശ്യപ്പെട്ടു.