വടക്കുകിഴക്കന് ഡല്ഹിയിലെ ദില്ഷാദ് ഗാര്ഡനില് ദേവാലയം മണ്ണെണ്ണയൊഴിച്ച് തീവെച്ച് നശിപ്പിച്ച നിലയില്. ലത്തീന്സഭയുടെ കീഴിലുള്ള സെന്റ് സെബാസ്റ്റ്യന്സ് ദേവാലയമാണ് തിങ്കളാഴ്ച പുലര്ച്ചെ ഏതാണ്ട് പൂര്ണമായും കത്തിനശിച്ചത്. പള്ളിയുടെ രണ്ടു നിലകളിലുമുള്ള ആരാധനാസാമഗ്രികളും ബെഞ്ചുകളും അള്ത്താരയും കത്തിനശിച്ചു. ഉന്നത പോലീസ് ഉദ്യോഗസ്ഥരും ഫോറന്സിക് വിദഗ്ധരുമെത്തി പരിശോധന നടത്തി.
ഡല്ഹിയില് ഏറ്റവുമധികം ക്രിസ്ത്യാനികള് താമസിക്കുന്ന സ്ഥലങ്ങളിലൊന്നായ ദില്ഷാദ് ഗാര്ഡനില് 2001-ലാണ് ഈ ദേവാലയം പണിതത്. സിറോ മലബാര് സഭയിലെ വിശ്വാസികളുടെ ആരാധനയും ഇവിടെ നടക്കാറുണ്ട്. ഞായറാഴ്ച രാത്രി 11.30 വരെയും ഇവിടെ വിവിധപരിപാടികള് നടന്നിരുന്നു. രാവിലെ ഏഴരയോടെയാണ് പള്ളിയില് തീ കത്തുന്നതായി പോലീസിന് വിവരം ലഭിച്ചത്.
Comments