സബ്‌സിഡിയില്ലാത്ത പാചകവാതകത്തിന്റെയും വിമാന ഇന്ധനത്തിന്റെയും വില കുറച്ചു. സബ്‌സിഡിയില്ലാത്ത പാചകവാതകത്തിന്റെ വില 43.50 രൂപയാണ് കുറച്ചത്. വിമാന ഇന്ധനത്തിന്റെ വില 12.5 ശതമാനമാണ് കുറച്ചത്. പ്രാദേശിക നികുതികളും മറ്റും കണക്കാക്കുമ്പോള്‍ വിലയില്‍ ഏറ്റക്കുറച്ചിലുകള്‍ ഉണ്ടാകും.

14.2 കിലോഗ്രാമിന്റെ എല്‍.പി.ജി കുറ്റിയുടെ വില ഡല്‍ഹിയില്‍ 752 രൂപയില്‍ നിന്ന് 708.50 രൂപയായി കുറയും. തുടര്‍ച്ചയായി അഞ്ചാംതവണയാണ് കമ്പോള നിരക്കിലുള്ള പാചകവാതകവില കുറയ്ക്കുന്നത്. കഴിഞ്ഞ ഡിസംബര്‍ ഒന്നിന് 113 രൂപ കുറച്ചിരുന്നു. നിരക്കുകള്‍ തുടര്‍ച്ചയായി കുറച്ചതിന്റെ ഫലമായി ഇതുവരെയായി സബ്‌സിഡിയില്ലാത്ത പാചകവാതകവിലയില്‍ 214 രൂപ കുറവുണ്ടായിട്ടുണ്ട്.