സര്ക്കാര് രൂപീകരണത്തിനായി ബിജെപിയെ ക്ഷണിച്ച കര്ണാടക ഗവര്ണറുടെ നടപടിക്കെതിരെ മുതിര്ന്ന അഭിഭാഷകനും നിയവിദഗ്ദ്ധനുമായ മുൻ കേന്ദ്രമന്ത്രിയുമായ രാം ജഠ്മലാനി സുപ്രീംകോടതിയെ സമീപിച്ചു. ഭരണഘടനയെ അപമാനിക്കുന്ന നടപടിയാണിതെന്ന് ചൂണ്ടിക്കാട്ടിയാണ് ജഠ്മലാനിയുടെ നീക്കം. തന്റെ ഹര്ജി അടിയന്തിരമായി പരിഗണിക്കണമെന്ന് ആവശ്യപ്പെട്ട് രാംജഠ്മലാനി ചീഫ് ജസ്റ്റിസ് അധ്യക്ഷനായ മൂന്നംഗ ബെഞ്ചിനെയാണ് സമീപിച്ചത്. എന്നാല് സമാനമായ കോണ്ഗ്രസിന്റെ ഹര്ജി പരിഗണിക്കുന്ന ബെഞ്ചിനെ സമീപിക്കാന് കോടതി ജഠ്മലാനിയോട് ആവശ്യപ്പെട്ടു.
Comments