ലോകകപ്പിലെ ബിഗ് മാച്ചില്‍ തുടക്കത്തിലെ പതര്‍ച്ചയ്ക്ക് ശേഷം ഇന്ത്യക്ക് നല്ല തുടക്കം. 18 ഓവര്‍ പിന്നിടുമ്പോള്‍ ഒരു വിക്കറ്റിന് 77 എന്ന നിലയിലാണ് ടീം ഇന്ത്യ. രോഹിത് ശര്‍മയുടെ വിക്കറ്റാണ് ഇന്ത്യക്ക് നഷ്ടമായത്. രോഹിതിനെ അക്കൗണ്ട് തുറക്കും മുമ്പേ ഡിവില്ലിയേഴ്‌സ് റണ്ണൗട്ടാക്കുകയായിരുന്നു.

അര്‍ധ സെഞ്ച്വറി നേടിയ ശിധര്‍ ധവാനും (52) വിരാട് കോലിയുമാണ് (21) ക്രീസില്‍. പേസും ബൗണ്‍സുമുള്ള പിച്ചില്‍ തുടക്കത്തിലെ വിക്കറ്റ് നഷ്ടത്തിന് ശേഷം ധവാനും കോലിയും മികച്ച സൂക്ഷ്മതയോടെയാണ് കളിച്ചത്. ഇരുവരും ചേര്‍ന്ന് രണ്ടാം വിക്കറ്റില്‍ 62 റണ്‍സ് കൂട്ടിച്ചേര്‍ത്തിട്ടുണ്ട്.