കണ്ണൂരില്‍ പ്രവര്‍ത്തിക്കുന്ന ഫെഡറല്‍ ബാങ്കിന്റെ എടിഎം കൗണ്ടറിനുനേരേ ആക്രമണം. കഴിഞ്ഞ രാത്രി 12 ഓടെയായിരുന്നു സംഭവം. ബാങ്ക് പ്രവര്‍ത്തിക്കുന്ന കെട്ടിടത്തിന്റെ താഴത്തെ നിലയിലുള്ള എടിഎം കൗണ്ടറാണു തകര്‍ത്തത്. കല്ലേറില്‍ കൗണ്ടറിന്റെ ചില്ലു തകര്‍ന്നു. സംഭവം നടക്കുമ്പോള്‍ സെക്യൂരിറ്റി ജീവനക്കാരന്‍ കൂത്തുപറമ്പ് ആവിലാട്ടെ എ.ബാലകൃഷ്ണന്‍ കൗണ്ടറിനു മുന്നിലുണ്ടായിരുന്നുവെങ്കിലും പരിക്കേല്‍ക്കാതെ രക്ഷപ്പെടുകയായിരുന്നു.