തിരുവനന്തപുരം: സാമൂഹികപ്രവര്ത്തക അശ്വതി ജ്വാലയുടെ പരാതിയില് വനിതാ കമ്മീഷന് കേസ് എടുത്തു. സമൂഹമാധ്യമങ്ങളില് വേട്ടയാടുന്നതിനെതിരെ അശ്വതി ജ്വാല നല്കിയ പരാതിയിലാണ് വനിതാ കമ്മീഷന് കേസെടുത്തത്. പരാതിയുടെ ഗൗരവം കണക്കിലെടുത്താണ് അന്വേഷണ തീരുമാനമെന്ന് മനുഷ്യവകാശ കമ്മിഷന് അറിയിച്ചു വിദേശ വനിത ലിഗയുടെ മരണവുമായി ബന്ധപ്പെട്ട് അശ്വതി പണപ്പിരിവ് നടത്തിയെന്ന് തിരുവനന്തപുരം സ്വദേശി ഡിജിപിക്കു പരാതി നല്കിയിരുന്നു. തുടര്ന്ന് നിജസ്ഥിതി അന്വേഷിക്കാന് ഐജി മനോജ് എബ്രഹാമിനെ ചുമതലപ്പെടുത്തുകയും ചെയ്തിരുന്നു. എന്നാല് തുടര്ന്നും സമൂഹമാധ്യമത്തിലൂടെ അപമാനിക്കുന്ന തരത്തിലുള്ള പോസ്റ്റുകളാണ് തനിക്കെതിരെ ഉണ്ടാകുന്നതെന്ന് അശ്വതി പറഞ്ഞു. ലിഗയുടെ മൃതദേഹം കണ്ടെത്തിയതിനു ശേഷം നടത്തിയ പ്രതികരണത്തില് സര്ക്കാരിനെയും പോലീസിനെയും വിമര്ശിച്ചതോടെയാണ് തനിക്കും സംഘടനയ്ക്കുമെതിരെ സാമൂഹിക മാധ്യമങ്ങളില് ആക്രമണം തുടങ്ങിയതെന്നും അശ്വതി പരാതിയില് പറഞ്ഞിരുന്നു.
Comments