അന്തരിച്ച സ്പീക്കര്‍ ജി കാര്‍ത്തികേയന്റെ സംസ്കാരം ഞായറാഴ്ച നടക്കും. ഇന്ന് ഉച്ചകഴിഞ്ഞ് തിരുവനന്തപുരത്ത് എത്തിക്കുന്ന മൃതദേഹം ഔദ്യോഗിക വസതിയായ ‘നീതി’യില്‍ പൊതുദര്‍ശനത്തിനു വെയ്ക്കും.ഞായറാഴ്ച രാവിലെ ഒമ്പതിന് നിയമസഭാഹാളില്‍ പൊതുദര്‍ശനത്തിനു വെയ്ക്കും. തുടര്‍ന്ന്, പത്തുമണിക്ക് ദര്‍ബാര്‍ ഹാളിലും 11 മണിക്ക് കെ പി സി സി കേന്ദ്രത്തിലും പൊതുദര്‍ശനത്തിനു വെയ്ക്കും. അതിനുശേഷം കാര്‍ത്തികേയന്റെ മണ്ഡലമായിരുന്ന അരുവിക്കരയിലും പൊതുദര്‍ശനത്തിനു വെയ്ക്കും.ഒരുമണി മുതല്‍ ആര്യനാട്ടും മൂന്നര മുതല്‍ ശാസ്തമംഗലത്തെ അഭയയിലും മൃതദേഹം എത്തിക്കും. അതിനുശേഷം, ഞായറാഴ്ച ആറുമണിക്ക് തൈക്കാട് ശാന്തികവാടത്തില്‍ സംസ്കാരം നടക്കും. സംസ്ഥാനത്ത് ഒരു ആഴ്ചത്തെ ദു:ഖാചരണം പ്രഖ്യാപിച്ചിട്ടുണ്ട്. സര്‍ക്കാര്‍ ഓഫിസുകള്‍ക്കും വിദ്യാലയങ്ങള്‍ക്കും ഇന്ന് ഉച്ചയ്ക്കു ശേഷം അവധിയായിരിക്കും.