ന്യൂഡല്‍ഹി: കേരളാ നിയമസഭയില്‍ ഇടതു അംഗങ്ങള്‍ നടത്തിയ പ്രതിഷേധ സമരരീതിയെ പിന്തുണച്ച് സി.പി.എം ദേശീയ ജനറല്‍ സെക്രട്ടറി പ്രകാശ് കാരാട്ട്. ഇടതു അംഗങ്ങളുടെ സമരരീതിയില്‍ അപാകതയില്ളെന്നു കാരാട്ട് പറഞ്ഞു. ധനമന്ത്രി കെ.എം മാണിയെ ബജറ്റ് അവതരിപ്പിക്കാന്‍ അനുവദിക്കാത്തത് ഉചിതമായ നടപടിയാണ്. ഇക്കാര്യത്തില്‍ വെള്ളിയാഴ്ച നിയമസഭയിലുണ്ടായ സംഭവ വികാസങ്ങളില്‍ തെറ്റില്ലെന്നും കാരാട്ട് പറഞ്ഞു.

സി.പി.എം പ്രതിഷേധത്തില്‍ അപാകതയില്ല. ബാര്‍ കോഴ ആരോപണത്തിന് വിധേയനായ മാണി ബജറ്റ് അവതരിപ്പിക്കുന്നത് അംഗീരിക്കാനാവില്ലെന്നും കാരാട്ട് വ്യക്തമാക്കി.