പാലക്കാട് ജില്ലയില്‍ എലപ്പുള്ളിയിലും എടത്തറയിലുമുണ്ടായ വാഹനാപകടത്തില്‍ രണ്ടുപേര്‍ മരിച്ചു. എലപ്പുള്ളിയില്‍ ഗുഡ്സ് ഓട്ടോയില്‍ സ്വകാര്യബസിടിച്ച് ഓട്ടോ ഡ്രൈവര്‍ മരിച്ചു. പാലക്കാട് നൂറണി പുതുപ്പള്ളിത്തെരുവ് മുഹമ്മദുപ്പ(58) ആണ് മരിച്ചത്. എടത്തറ മഹിമ ഓഡിറ്റോറിയത്തിന് സമീപം ബൈക്കും സ്വകാര്യബസും കൂട്ടിയിടിച്ചുണ്ടായ അപകടത്തില്‍ തിരൂര്‍ നിറമരുതൂര്‍ ജനതാബസാര്‍ കടങ്ങല്‍ മുഹമ്മദിന്‍െറ മകന്‍ നിസാമുദ്ദീന്‍(21) മരിച്ചു. വ്യാഴാഴ്ച രാവിലെ ഒമ്പതരയോടെയാണ് അപകടങ്ങള്‍ ഉണ്ടായത്.
Comments