കോണ്‍ഗ്രസിന്റെ രാജ്യസഭാ സീറ്റ്  വയലാര്‍ രവിക്ക് നല്‍കും. എ ഐ സി സിയുടെ തീരുമാനം വന്നശേഷം ഇക്കാര്യത്തില്‍ പ്രതികരിക്കുമെന്ന് വയലാര്‍ രവി മാധ്യമങ്ങളോട് പറഞ്ഞു. സി പി എമ്മിന്റെ രാജ്യസഭാ സ്ഥാനാര്‍ഥിയായി കെ കെ രാഗേഷിനെ മത്സരിപ്പിക്കാന്‍ സംസ്ഥാന സെക്രട്ടേറിയറ്റ് തീരുമാനമെടുത്തു. യു ഡി എഫിന്റെ രണ്ടാമത്തെ സീറ്റ് ആര്‍ക്ക് നല്‍കണമെന്നത് ഉഭയകക്ഷി ചര്‍ച്ചയിലൂടെ തീരുമാനിക്കും. എല്‍ ഡി എഫും രണ്ട് സ്ഥാനാര്‍ഥികളെ മത്സരിപ്പിക്കും. രണ്ടാമത്തെ സീറ്റില്‍ സി പി ഐ സ്ഥാനാര്‍ഥിയാവും മത്സരിക്കുക.