2015 ലോകകപ്പ് ക്രിക്കറ്റിനുള്ള 30 അംഗ ഇന്ത്യന്‍ സാധ്യതാ ടീമിനെ പ്രഖ്യാപിച്ചു. കേരളത്തിന്റെ സഞ്ജു വി. സാംസണ്‍ സാധ്യതാ ടീമില്‍ ഇടം കണ്ടെത്തി. മുതിര്‍ന്ന താരങ്ങളായ വീരേന്ദര്‍ സെവാഗ്, ഹര്‍ഭജന്‍ സിങ്, യുവരാജ് സിങ്, ഗൗതം ഗംഭീര്‍, സഹീര്‍ ഖാന്‍ എന്നിവരെ ഒഴിവാക്കി.
ബിസിസിഐ ചീഫ് സിലക്ടര്‍ സന്ദീപ് പാട്ടീലിന്റെ നേതൃത്വത്തിലുള്ള അഞ്ചംഗ സിലക്ഷന്‍ കമ്മിറ്റിയാണ് ടീമിനെ തിരഞ്ഞെടുത്തത്. ഫെബ്രുവരി 14മുതല്‍ മാര്‍ച്ച് 29വരെയാണ് ലോകകപ്പ് മല്‍സരങ്ങള്‍. ഓസ്‌ട്രേലിയയും ന്യൂസീലന്‍ഡുമാണ് ഇക്കുറി ലോകകപ്പിന് ആതിഥ്യം വഹിക്കുന്നത്.
30 അംഗ സാധ്യതാ ടീം: മഹേന്ദ്ര സിങ് ധോണി, ശിഖര്‍ ധവാന്‍, രോഹിത് ശര്‍മ, അജിങ്ക്യ രഹാനെ, റോബിന്‍ ഉത്തപ്പ, വിരാട് കോഹ്‌ലി, സുരേഷ് റെയ്‌ന, അമ്പാട്ടി റായിഡു, കേദാര്‍ യാദവ്, മനോജ് തിവാരി, മനീഷ് പാണ്ഡെ, വൃദ്ധിമാന്‍ സാഹ, സഞ്ജു വി. സാംസണ്‍, ആര്‍. അശ്വിന്‍, പര്‍വേസ് റസൂല്‍, കരണ്‍ ശര്‍മ, അമിത് മിശ്ര, രവീന്ദ്ര ജഡേജ, അഷ്‌കര്‍ പട്ടേല്‍, ഇഷാന്ത് ശര്‍മ, ഭുവനേശ്വര്‍ കുമാര്‍, മുഹമ്മദ് ഷാമി, ഉമേഷ് യാദവ്, വരുണ്‍ ആരോണ്‍, ധവാല്‍ കുല്‍ക്കര്‍ണി, സ്റ്റിയുവാര്‍ട് ബിന്നി, മോഹിത് ശര്‍മ, അശോക് ഡിന്‍ഡ, കുല്‍ദീപ് യാദവ്, മുരളി വിജയ്
Comments