സൗദി അറേബ്യയുടെ രാജാവ് അബ്ദുള്ള ബിന് അബ്ദുള് അസീസ് അന്തരിച്ചു. 90 വയസ്സായിരുന്നു. ശ്വാസകോശ സംബന്ധമായ അസുഖത്തെ തുടര്ന്ന് ചികിത്സയിലായിരുന്ന അദ്ദേഹം വെള്ളിയാഴ്ച പ്രദേശിക സമയം പുലര്ച്ചെ ഒന്നിനാണ് മരണപ്പെട്ടത്. സല്മാന് ബിന് അബ്ദുള് അസീസാണ് സൗദിയുടെ പുതിയ രാജാവ്. രാജ്യത്തെ ഒൗദ്യോഗിക ടെലിവിഷനിലൂടെയാണ് മരണവാര്ത്ത പുറത്തു വിട്ടത്.
ന്യൂമോണിയ ബാധയെ തുടര്ന്ന് ഡിസംബര് 31 മുതല് റിയാദിലെ കിംഗ് അബ്ദുള് അസീസ് ആശുപത്രിയില് ചികിത്സയിലായിരുന്നു അദ്ദേഹം. ആരോഗ്യ പ്രശ്നങ്ങളുള്ളതിനാല് രാജ്യത്തെ പൊതുപരിപാടികളില് നിന്നും രാജാവ് നേരത്തേ വിട്ട് നിന്നിരുന്നു. തുടര്ന്ന് സല്മാന് ബിന് അബ്ദുള് അസീസായിരുന്നു അദ്ദേഹത്തിന് പകരം രാജ്യത്തിന്െറ പൊതു പരിപാടികളില് പങ്കെടുത്തു കൊണ്ടിരുന്നത്. അബ്ദുള്ള രാജാവിന്െറ മരണത്തോടെ സല്മാന് രാജാവ് രാജ കുടുംബത്തിന്െറ കൗണ്സില് വിളിച്ചു ചേര്ത്തിട്ടുണ്ട്. മുഖ്റിന് ആണ് രാജ്യത്തിന്െറ അടുത്ത കിരീടാവകാശി.
Comments