സിപിഐ ദേശീയ ജനറല് സെക്രട്ടറിയായി എസ്. സുധാകര് റെഡ്ഡിയെ വീണ്ടും തെരഞ്ഞെടുത്തു. പുതുച്ചേരിയില് നടക്കുന്ന പാര്ട്ടി കോണ്ഗ്രസിന്റേതാണു തീരുമാനം. കേരളത്തില് നിന്നും ബിനോയ് വിശ്വത്തെ ദേശീയ നിര്വാഹക സമിതിയിലുള്പ്പെടുത്തി. എ.ബി. ബര്ദന് ദേശീയ സെക്രട്ടേറിയറ്റില് നിന്നുമൊഴിവായി. അസിസ്റ്റന്റ് സെക്രട്ടറിയായി ഗുരുദാസ് ദാസ് ഗുപ്തയെ തെരഞ്ഞെടുത്തു. കേരളത്തില് നിന്നു സി.എന്. ജയദേവന്, പി.വി. ബാലന്, കെ. പ്രകാശ് ബാബു എന്നിവരാണു പുതുതായി ദേശീയ കൗണ്സിലില് എത്തിയിരിക്കുന്നത്. എന്നാല് പ്രാതിനിധ്യം കുറഞ്ഞുപോയെന്നു കാട്ടി കേരളത്തില് നിന്നുള്ള പ്രതിനിധികള് പ്രതിഷേധിച്ചു.
Comments