തിരുവനന്തപുരം: ബാര്‍ കോഴ സംബന്ധിച്ച് കൂടുതല്‍ തെളിവുകള്‍ നാളെ കോടതിയില്‍ സമര്‍പ്പിക്കുമെന്ന് പരാതിക്കാരനും ബാറുടമയുമായ ബിജു രമേശ്. കേരളാ കോണ്‍ഗ്രസ് എം.പി ജോസ് കെ. മാണിയുടെ ഫോണ്‍ സംഭാഷണം അടങ്ങുന്ന ഹാര്‍ഡ് ഡിസ്കാണു തിരുവനന്തപുരത്തെ കോടതിക്ക് കൈമാറുക. ധനമന്ത്രി കെ.എം മാണിയെ കൂടാതെ കോഴയിടപാടില്‍ ഉള്‍പ്പെട്ട മറ്റു മന്ത്രിമാരുടെ പേരുകള്‍ രഹസ്യ മൊഴിയായി നല്‍കുമെന്നും ബിജു രമേശ് മാധ്യമങ്ങളോട് പറഞ്ഞു.