കാഞ്ഞങ്ങാട് ബസ് സ്റ്റാന്‍ഡില്‍ ദിവസങ്ങള്‍ പ്രായമുള്ള ചോരക്കുഞ്ഞിന്റെ മൃതദേഹം പ്ലാസ്റ്റിക് ചാക്കില്‍ കെട്ടിയ നിലയില്‍ കണ്ടെത്തി. ദുര്‍ഗന്ധം വമിച്ചതിനെത്തുടര്‍ന്ന് നടത്തിയ പരിശോധനയിലാണ് മൃതദേഹം കണ്ടെത്തിയത്. ബസ് സ്റ്റാന്‍ഡിലെ കോണ്‍ക്രീറ്റ് പണികള്‍ക്കുവേണ്ടി സൂക്ഷിച്ചിരുന്ന സിമന്റ് ചാക്കുകള്‍ക്ക് ഇടയിലായിരുന്നു മൃതദേഹം. ഹോസ്ദുര്‍ പോലീസ് സ്ഥലത്തെത്തി അന്വേഷണം ആരംഭിച്ചു.