ബാര്‍ ലൈസന്‍സ് കേസുകളില്‍ ഹൈക്കോടതി ഡിവിഷന്‍ ബഞ്ച് വിധി പറഞ്ഞു തുടങ്ങി. തുറന്ന കോടതിയില്‍ സ്‌റ്റെനോഗ്രാഫറെ വിളിച്ച് ജസ്റ്റിസ് കെ.ടി.ശങ്കരനാണ് വിധി പറഞ്ഞു കൊടുക്കുന്നത്. 

അഞ്ച് ബാച്ചുകളിലായി ഒരു കൂട്ടം പരാതികളാണ് കോടതി പരിശോധിച്ച് വിധി പറയുന്നത്. വിധി പൂര്‍ത്തിയാക്കാന്‍ ചുരുങ്ങിയത് മൂന്ന് മണിക്കൂറെങ്കിലും വേണ്ടി വരും. ചിലപ്പോള്‍ നീണ്ടുപോയേക്കാം. വിധി പൂര്‍ത്തിയായാല്‍ മാത്രമേ ടെലിവിഷന്‍ ചാനലുകള്‍ക്കും മറ്റു മാധ്യമങ്ങള്‍ക്കും വിധി പുറത്തുവിടാവൂ എന്ന് കോടതി നിര്‍ദേശിച്ചിട്ടുണ്ട്. ജസ്റ്റിസ് ബാബു മാത്യു പി ജോസഫാണ് ഡിവിഷന്‍ ബഞ്ചില്‍ ജസ്റ്റിസ് ശങ്കരനോടൊപ്പമുള്ളത്.