ഇന്ത്യക്കാരായ ദമ്പതിമാരെ ശ്രിലങ്കയില്‍ മരിച്ച നിലയില്‍ കണ്ടെത്തി. ശ്രീലങ്കയിലെ ഒരു ഹോട്ടലിലാണ് ഇവരുടെ മൃതശരീരങ്ങള്‍ കണ്ടെത്തിയത്. സംഭവത്തെക്കുറിച്ച് ശ്രീലങ്കന്‍ പോലീസ് അന്വേഷണം ആരംഭിച്ചു. 

30നും 35നുമിടയില്‍ പ്രായം തോന്നിക്കുന്ന ഇവര്‍ മാര്‍ച്ച് 27 മുതല്‍ ഹോട്ടലില്‍ മുറിയെടുത്ത് താമസിച്ച് വരികയായിരുന്നു. ആത്മഹത്യയാണെന്നാണ് പ്രാധമിക നിഗമനം. ബുധനാഴ്ച്ച മുതല്‍ ഇരുവരും മുറിക്ക് പുറത്ത് വരാത്തത് ശ്രദ്ധയില്‍പ്പെട്ട ഹോട്ടല്‍ ഉടമ അറിയച്ചതനുസരിച്ച് പോലീസ് എത്തിയപ്പോഴാണ് ഇരുവരെയും മരിച്ചതായി കണ്ടെത്തിയത്.