തിരുവനന്തപുരം: സംസ്ഥാനത്ത് ആവര്‍ത്തിക്കുന്ന സദാചാര ഗുണ്ടായിസത്തിനെതിരെ സി.പി.എം പി.ബി അംഗം പിണറായി വിജയന്‍െറ ഫേസ്ബുക് പോസ്റ്റ്. സദാചാരഗുണ്ടാ ആക്രമണ പരമ്പരയില്‍ ഒടുവിലത്തേതാണ് ചാവക്കാട് കടപ്പുറം അഞ്ചങ്ങാടിയില്‍ യുവാവിനെ തല്ലിക്കൊന്ന സംഭവമെന്ന് പിണറായി ചൂണ്ടിക്കാട്ടുന്നു. നിയമം കൈയ്യിലെടുത്ത് അഴിഞ്ഞാടുന്ന ഇത്തരം സംഘങ്ങളെയും അവക്ക് പിന്തുണ നല്‍കുന്നവരെയും ഒറ്റപ്പെടുത്തുകയും അവരുടെ രാഷ്ട്രീയ ദൗത്യം തിരിച്ചറിയുകയും വേണം. പൊലീസ് ഇത്തരം വിഷയങ്ങളില്‍ നീതിപൂര്‍വകമായി ഇടപെട്ടില്ലെങ്കില്‍ സമൂഹം അരാജകത്വത്തിലേക്കാണ് പതിക്കുകയെന്നും പിണറായി ചൂണ്ടിക്കാട്ടുന്നു.