സംസ്ഥാനത്തെ കണ്‍സ്യൂമര്‍ ഫെഡ് മദ്യവില്പനശാലകളുടെ പ്രവര്‍ത്തനസമയം സര്‍ക്കാര്‍ കൂട്ടി. രാവിലെ 9.30 മുതല്‍ രാത്രി 9.30 വരെയാണു പുതുക്കിയ സമയക്രമം. രാവിലെ 10 മുതല്‍ വൈകുന്നേരം ഒന്‍പത് വരെയാണു നേരത്തെ ഔട്ട്‌ലെറ്റുകള്‍ പ്രവര്‍ത്തിച്ചിരുന്നത്. സമയക്രമം പുതുക്കിയതനുസരിച്ച് ഒരു മണിക്കൂര്‍ അധികം മദ്യശാലകള്‍ തുറന്നിരിക്കും. കണ്‍സ്യൂമര്‍ ഫെഡിനു സംസ്ഥാനത്ത് 41 ഔട്ട്‌ലെറ്റുകളാണു നിലവിലുള്ളത്.