അഴിമതിക്കേസില്‍ ആരോപിതരായ ധനമന്ത്രി കെ.എം മാണിയും മുഖ്യമന്ത്രി ഉമ്മന്‍ ചാണ്ടിയും രാജിവെക്കണമെന്നാവശ്യപ്പെട്ട് ഇന്നും നാളെയും ഡിവൈഎഫ്‌ഐ കോട്ടയത്ത് അഴിമതി വിരുദ്ധ യുവജനമാര്‍ച്ച് നടത്തും. പുതുപ്പള്ളിയില്‍ ഡി.വൈ.എഫ്.ഐ അഖിലേന്ത്യാ പ്രസിഡന്റ് എം.ബി രാജേഷ് എം.പി മാര്‍ച്ച് ഉദ്ഘാടനം ചെയ്തു.
മുഖ്യമന്ത്രിയുടെ ജന്മനാടായ പുതുപ്പള്ളിയില്‍ നിന്ന് കെഎം മാണിയുടെ പാലായിലെ വസതിയിലേക്കാണ് മാര്‍ച്ച്.
സംസ്ഥാന പ്രസിഡന്റ് ടിവി രാജേഷ് എംഎല്‍എ, സെക്രട്ടറി എം സ്വരാജ് എന്നിവരും രണ്ടു ദിവസത്തെ മാര്‍ച്ചില്‍ പങ്കെടുക്കും. വെള്ളിയാഴ്ച വൈകിട്ട് പാലായിലാണ് മാര്‍ച്ച് സമാപിക്കുക. സമാപന സമ്മേളനം സിപിഎം പോളിറ്റ്ബ്യൂറോ അംഗം പിണറായി വിജയന്‍ ഉദ്ഘാടനം ചെയ്യും.
Comments