ചീഫ് വിപ്പ് സ്ഥാനത്തു നിന്ന് പുറത്താക്കിയ പി സി ജോര്‍ജ്ജ് എംഎല്‍എക്ക് തിരുവനന്തപുരത്ത് ഇന്ന് പൗരസ്വീകരണം നല്‍കും. വി.എസ് .ഡി.പി യുടെ നതൃത്വത്തില്‍ വൈകുന്നേരം ഗാന്ധി പാര്‍ക്കിലാണ് ജോര്‍ജ്ജിന് സ്വീകരണം സംഘടിപ്പിച്ചിരിക്കുന്നത്.

രക്തസാക്ഷി മണ്ഡപത്തിലെ പുഷ്പാര്‍ച്ചനക്കും അഴിമതി വിരുദ്ധ പ്രതിജ്ഞക്കും ശേഷം പ്രകടനമായി പി സി ജോര്‍ജ്ജും അനുയായികളും ഗാന്ധി പാര്‍ക്കിലെത്തും. വെള്ളിയാഴ്ച പി സി ജോര്‍ജ്ജ് കോട്ടയം ജില്ലയുടെ വിവിധ ഭാഗങ്ങളില്‍ സ്വീകരണം ഏറ്റു വാങ്ങും. കേരള കോണ്‍ഗ്രസ്സിന്റെ വൈസ് ചെയര്‍മാന്‍ സ്ഥാനം ഉപയോഗിച്ച് 14 ജില്ലാ കമ്മറ്റികള്‍ വിളിച്ചു ചേര്‍ക്കുന്ന കാര്യവും പി സി ജോര്‍ജ്ജ് വിഭാഗം ആലോചിക്കുന്നുണ്ട്.