സത്യം കമ്പ്യൂട്ടര് സര്വീസ് ലിമിറ്റഡിലെ കോടികളുടെ ക്രമക്കേട് സംബന്ധിച്ച കേസില് കമ്പനി സ്ഥാപകനും മുന്ചെയര്മാനുമായ ബി. രാമലിംഗരാജുവിന് ഏഴുവര്ഷം തടവുശിക്ഷയും അഞ്ചുകോടി പിഴയും സിബിഐ സ്പെഷല് കോടതി ജഡ്ജി ബി.വി.എല്.എന് ചക്രവര്ത്തി വിധിച്ചു. അനാരോഗ്യം ഉള്ളതിനാല് ശിക്ഷയില് ഇളവ് നല്കണമെന്ന രാജുവിന്റെ ഹര്ജി കോടതി തള്ളി. ഇതിനോടകം ഇയാള് 32 മാസത്തെ ജയില്ശിക്ഷ അനുഭവിച്ച് കഴിഞ്ഞു. രാമലിംഗരാജുവിന്റെ സഹോദരനും കമ്പനി മുന് എം.ഡി.യുമായ ബി. രാമരാജുവും മറ്റ് ഒമ്പതുപേരും ഏഴുവര്ഷം വീതം തടവുശിക്ഷ അനുഭവിക്കണം. ബി. രാമരാജു 5 കോടി രൂപ പിഴയും അടക്കണം.
Comments