ഡല്‍ഹിയില്‍ കനത്ത മഴയെ തുടര്‍ന്നു കൃഷിനാശമുണ്ടായ കര്‍ഷകര്‍ക്ക് ഏക്കറിനു 20,000 രൂപവീതം നഷ്ടപരിഹാരം പ്രഖ്യാപിച്ചു. മുഖ്യമന്ത്രി അരവിന്ദ് കേജരിവാളാണു ധനസഹായം പ്രഖ്യാപിച്ചത്. കഴിഞ്ഞ മൂന്നു മാസത്തിനിടെ നാശനഷ്ടങ്ങളുണ്ടായ കര്‍ഷകര്‍ക്കാണു നഷ്ടപരിഹാരത്തിന് അര്‍ഹത. രാജ്യത്തെ കര്‍ഷകര്‍ക്കു പ്രഖ്യാപിച്ചിരിക്കുന്നതില്‍ ഏറ്റവും വലിയ ധനസഹായമാണിതെന്നും എല്ലാ സംസ്ഥാനങ്ങളും ഇതു മാതൃകയാക്കണമെന്നും കേജരിവാള്‍ പറഞ്ഞു. ഡല്‍ഹിയില്‍ രണ്ടായിരത്തോളം പേര്‍ പങ്കെടുത്ത ഒരു സമ്മേളനത്തെ അഭിസംബോധന ചെയ്തു സംസാരിക്കവെയാണു കേജരിവാള്‍ ധനസഹായം പ്രഖ്യാപിച്ചത്.
Comments