ബാര്‍ കേസില്‍ ഫോര്‍ സ്റ്റാര്‍ ബാറുടമകള്‍ നല്‍കിയ ഹര്‍ജി പരിഗണിക്കുന്നത് ഏപ്രില്‍ 20 ലേക്ക് മാറ്റി. കേസില്‍ ഹൈകോടതി ഉത്തരവിന്‍റെ പകര്‍പ്പും അനുബന്ധ രേഖകളും ഹാജരാകാന്‍ കൂടുതല്‍ സമയം അനുവദിക്കണമെന്ന് ബാറുടമകള്‍ ആവശ്യപ്പെട്ടതിനെ തുടര്‍ന്നാണ് ഹര്‍ജി 20 ലേക്ക് മാറ്റിയത്.
സംസ്ഥാനത്തെ ഫെവ് സ്റ്റാര്‍ ബാറുകള്‍ ഒഴികെയുള്ളവ അടച്ചുപൂട്ടണമെന്ന ഹൈകോടതിയുടെ ഉത്തരവിനെതിരെയാണ് ഫോര്‍ സ്റ്റാര്‍ ബാറുടമകള്‍ സുപ്രീംകോടതിയെ സമീപിച്ചത്.
സര്‍ക്കാറിന്‍റെ മദ്യനയം വിവേചനപരാമാണെന്നും ഹൈകോടതി വസ്തുതകള്‍ പരിശോധിച്ചില്ലെന്നും ബാറുടമകള്‍ ഹരജിയില്‍ ആരോപിക്കുന്നുണ്ട്.
Comments