യു.ഡി.എഫ് സര്‍ക്കാരിനെ അട്ടിമറിക്കാന്‍ എല്‍.ഡി.എഫ് ശ്രമിച്ചിരുന്നതായി യു.ഡി.എഫ് കണ്‍വീനര്‍ പി.പി. തങ്കച്ചന്‍. ഇക്കാര്യം എ.എ. അസീസ് തന്നെ വ്യക്തമാക്കിയതാണെന്നും അദ്ദേഹം കൂട്ടിച്ചേര്‍ത്തു.

മാണിക്ക് എല്‍.ഡി.എഫ് മുഖ്യമന്ത്രി പദം വരെ വാഗ്ദാനം ചെയ്തിരുന്നു. യു.ഡി.എഫ് ഘടക കക്ഷികളടക്കം എല്ലാ രാഷ്ട്രീയ പാര്‍ട്ടികളെയും സ്പെഷ്യല്‍ ബ്രാഞ്ച് നിരീക്ഷിച്ചിരുന്നു. അത് അവരുടെ കടമയാണ്. സ്പെഷ്യല്‍ ബ്രാഞ്ച് രൂപീകരിച്ചിട്ടുള്ളതും അതിനു വേണ്ടിയാണ്. സര്‍ക്കാരിനെതിരായ അട്ടിമറി നീക്കങ്ങള്‍ അറിയാന്‍ ഇത്തരം പരിശോധനകള്‍ സ്വാഭാവികമായും സഹായിക്കുമെന്നും തങ്കച്ചന്‍ പറഞ്ഞു.