കോണ്‍ഗ്രസ്‌ ഉപാധ്യക്ഷന്‍ രാഹുല്‍ ഗാന്ധിയുടെ നേതൃശേഷിയില്‍ സംശയം പ്രകടിപ്പിച്ച് മുതിര്‍ന്ന കോണ്‍ഗ്രസ്‌ നേതാവും ഡല്‍ഹി മുന്‍ മുഖ്യമന്ത്രിയുമായ ഷീല ദീക്ഷിത് രംഗത്ത്. രാഹുല്‍ ഇതുവരെ നേതൃശേഷി പ്രകടിപ്പിച്ചിട്ടില്ലെന്നും അതിനാല്‍ സോണിയ ഗാന്ധി തന്നെ അധ്യക്ഷസ്ഥാനത്ത് തുടരുന്നതാണ് നല്ലതെന്നും ഷീല ദീക്ഷിത് പറഞ്ഞു.
പാര്‍ട്ടിയെ നയിക്കുന്ന കാര്യത്തില്‍ രാഹുല്‍ ഗാന്ധി വിജയിക്കുമോ ഇല്ലയോ എന്ന് പറയാന്‍ കഴിയില്ല. കോണ്‍ഗ്രസിനെ ശക്തിപ്പെടുത്തേണ്ട ഇൗ സമയത്ത് സോണിയ തന്നെ അധ്യക്ഷ പദവിയില്‍ തുടരുന്നതാണ് നല്ലത്. സോണിയയെ വിശ്വസിക്കാമെന്നും അവര്‍ ഉത്തരവാദിത്തങ്ങളില്‍ നിന്ന് ഒളിച്ചോടില്ലെന്നും പി.ടി.െഎക്ക് നല്‍കിയ അഭിമുഖത്തില്‍ ഷീല ദീക്ഷിത് പറഞ്ഞു.
അതേസമയം പ്രസ്താവന വിവാദമായതിനെ തുടര്‍ന്ന് വിശദീകരണവുമായി ഷീല ദീക്ഷിത് രംഗത്ത്വന്നു. തന്‍റെ മറുപടി മാധ്യമങ്ങള്‍ തെറ്റായി വ്യാഖ്യാനിക്കുകയാണെന്നും പാര്‍ട്ടിയെ നയിക്കാനുള്ള രാഹുലിന്‍റെ കഴിവില്‍ സംശയം പ്രകടിപ്പിച്ചിട്ടില്ലെന്നും അവര്‍ വ്യക്തമാക്കി.
Comments