നെല്ലിപ്പൊയില്‍ സെന്റ് ജോണ്‍സ് സ്‌കൂളിന്റെ മിന്നും താരം കെ.ആര്‍. ആതിരയുടെ റെക്കോഡ് കുതിപ്പോടെ സംസ്ഥാന സ്‌കൂള്‍ അത്‌ലറ്റിക്‌സിന് തുടക്കമായി. ജൂനിയര്‍ പെണ്‍കുട്ടികളുട 3000 മീറ്റര്‍ ഓട്ടത്തിലാണ് കോഴിക്കോടിന്റെ ആതിര ആറു വര്‍ഷം പഴക്കമുള്ള ദേശീയ റെക്കോഡ് തിരുത്തിയത്. 9:58.51 സെക്കന്‍ഡാണ് പുതിയ സമയം. 10:00.03 സെക്കന്‍ഡായിരുന്നു ഋതു ദിനകറിന്റെ പേരിലുണ്ടായിരുന്ന പഴയ ദേശീയ റെക്കോഡ്. എന്നാല്‍, സ്വന്തം പേരിലുള്ള 9:54.10 സെക്കന്‍ഡ് എന്ന സംസ്ഥാന റെക്കോഡിനൊപ്പമെത്താന്‍ ആതിരയ്ക്ക് കഴിഞ്ഞില്ല. കഴിഞ്ഞ വര്‍ഷമാണ് നഗ്‌നപാദയായി ഓടിയ ആതിര ഈ റെക്കോഡിട്ടത്.

ഇതേയിനത്തില്‍ വെള്ളിയും വെങ്കലവും നേടിയ കട്ടപ്പന കാല്‍വരി മൗണ്ട് സ്‌കൂളിലെ സാന്ദ്ര എസ്. നായരും (9:59.41 സെ), വെങ്കലം നേടിയ കോമതമംഗലം മാര്‍ ബേസില്‍ സ്‌കൂളിലെ അനുമോള്‍ തമ്പിയും (9:58.95 സെ) പഴയ റെക്കോഡിനേക്കാള്‍ മെച്ചപ്പെട്ട സമയങ്ങളിലാണ് ഫിനിഷ് ചെയ്തത്.